因為上次去仙台的JR PASS 仲有一日未有, 雖然上次來回仙台已經等如張PASS的兩倍價錢, 但想更加抵, 決定去多一日DAY TRIP,
另一張10000YEN的PASS 變成40000YEN 的功用~ HAHA~
不過因為今次行程冇咩PLAN, 所以我覺得有D 亂, 不過都冇咩所謂, 當一日DAY TRIP, 又唔駛車費, 都幾抵吓~
去到新潟大約十點半, 搭新幹線真係好爽, 大約兩個鐘, 就可以去到咁遠, 而且又咁抵, 真係唔用哩張PASS 都對唔住自己!
因為新潟景點好似唔多, 就決定先去一去附近的村上! (本黎想去彌彥的, 但好似太遠)
村上我對她認識不多, 睇資料話係太子妃的故鄉, 而且盛產鮭魚
但睇一睇時間, 返黎的車只有13:10 同埋15:XX, 係呀, 冇睇錯, 要兩個鐘一班車, 我哋只好勁趕咁係一個鐘之內遊一遊村上
唔係就冇時間返新潟玩LA~
村上的景點有一個鮭魚館, 不過我覺得冇咩嘢睇, 之後仲有古時的屋敷, 去過角館等地方後亦覺得冇咩特別
好趕好趕好似鮭魚遊上上遊咁跑返車站後, 就返新潟繼續行程了~
好可惜冇食到村上牛!
新潟盛產白米, 美食為淋醬炸豬排蓋飯, 我哋去咗一家好出名的炸豬排蓋飯”政家” , 的確好食~
同東京都炸豬排唔太同, 佢比較薄身, 而且有醬汁下也比較入味~
底吓的飯都好似特別香甜咁, 應該係新潟出產的白米吧~
食咗一餐好滿意的午飯後, 就繼續新潟之行LA
睇網上的介紹話可以去FURUWASA 村同埋白山公園/神社, 第一站就先去遠D的地方吧!
係等車等咗20分鐘再加30分鐘的車程後, 終於去到FURUWASA 村
萬代橋
好可惜資料館去到已經關咗, 花畑部份亦冇咩花, 只有手信館可以行吓, 真係有D失望
入去手信館有新潟白米賣, 可惜我唔算好LIKE 食飯, 亦唔想咁重, 所以只有一個念頭後就冇實行LA~
搭巴士返去時好彩經過白山公園, 可以好順便咁入去參觀一下~
聽人講話白山神社戀愛好靈GA WOR~
係唔係就唔知LA, 不過第一次見神社又有HELLO KITTY, 又有KERORO等等公仔的護身符賣~
幾可愛吓~~~~
因為係神社行咗一陣, 趕唔切本黎7點幾嗰班車返去, 不過都冇所謂, 橫掂係PASS, 可以再去MARK 過位
係車站入面的手信街行咗一陣, 最後買咗新潟的和菓子返去食~ (之前係FURUWASA 村有個日本人伯伯向我哋介紹過~~)
都OK 好食LA, 但唔算好特別~~~